ისეირნეთ ბათუმის ყველაზე გემოვნებიანი ბულვარის გასწვრივ, სადაც მინის ცათამბჯენები ნეონის შუქს ირეკლავენ. დღისით აქ თანამედროვე მეგაპოლისის ატმოსფეროა — ფართო ტროტუარები, არტ-ობიექტები და შთამბეჭდავი არქიტექტურა. საღამოს კი ყველაფერი იცვლება: ცათამბჯენების შუქი შადრევნებში ირეკლება და თითქმის ჯადოსნურ სურათს ქმნის. აუცილებლად ეწვიეთ მზის ჩასვლის შემდეგ — შთაბეჭდილებები გარანტირებულია.

თუნდაც ფეხბურთის გულშემატკივარი არ იყოთ, ეს სტადიონი ნამდვილად ღირს სანახავად. ის 2021 წელს აშენდა და უკვე ქალაქის ნამდვილ სიმბოლოდ იქცა. ფასადი ქართული ტრადიციული ცეკვებითაა შთაგონებული, ხოლო შენობის გლუვი ფორმები ნებისმიერი კუთხიდან შთამბეჭდავად გამოიყურება. ტევადობა — 20 000-ზე მეტ მაყურებელს შეადგენს , მატჩებზე ატმოსფერო კი ელექტრიზებულია. ღამის განათება სტადიონს ხელოვნების ნიმუშად აქცევს, რომელიც შორიდანაც ჩანს.ეს არის მთელ კავკასიაში ერთ-ერთი ულამაზესი და უთანამედროვესი სტადიონი.

ქალაქის ცოცხალი გული, რომელიც არც დღით და არც ღამით არ იძინებს. შავი ზღვის სანაპიროზე კილომეტრობით სასეირნო ზონა, პალმები, ყვავილოვანი ბაღებით და ზღვის ბრიზით — რაც უკვე საკმარისია მისი შეყვარებისთვის. ამას ემატება ქუჩის მუსიკოსები, რესტორნები პირდაპირ ზღვის პირას, ველოსიპედებისა და სკუტერების გაქირავება, გასართობი ატრაქციონები ბავშვებისა და უფროსებისთვის. აქაური მზის ჩასვლა კი იმდენად ლამაზია, რომ კიდევ ერთი დღით დარჩენა მოგინდებათ. ხოლო ავიასპოტერებისთვის განსაკუთრებული სიურპრიზია— ბათუმის აეროპორტი პირდაპირ ზღვის პირასაა და თვითმფრინავები დასაჯდომად ფაქტობრივად დამსვენებლების თავზე გადადიან.

ქალაქის უმსხვილესი სავაჭრო ცენტრი, სადაც შეგიძლიათ მთელი დღე გაატაროთ და არ მოიწყინოთ. საერთაშორისო ბრენდების ათეულობით მაღაზია, რესტორნებისა და კაფეების ფართო არჩევანი ყველა გემოვნებისთვის, ქალაქის პანორამული ხედით დიდი სასადილო და ბავშვთა გასართობი ზონა. კინოს მოყვარულებისთვის კი აქ მუშაობს თანამედროვე მრავალდარბაზიანი კინოთეატრი კომფორტული სავარძლებითა და აქტუალური რეპერტუარით — შესანიშნავი საშუალება საღამო მთელ ოჯახთან ერთად გაატაროთ. Grand Mall იდეალური ადგილია როგორც მზიან ასევე წვიმიან დღეს.